Баланың ақпаратты тез меңгеруі оның жеткізілуіне де тікелей байланысты екенін естен шығармаған жөн. Осы орайда, заманауи талапқа сәйкес ұстаздар өздерінің оқу-әдістемелік құралдары ретінде түрлі ойын мен сараптамалық жұмыстарды назардан тыс қалдырмасы анық. Қазіргі таңда мектеп ұстаздары SWOT сараптамалық әдісін кең қолдануда.
Баян жалпы орта білім беру мектебінің мұғалімі Шакабаева Айымгуль Сериковна 11-сынып оқушыларына осы әдіспен сабақ өткізді.
SWOT - дегеніміз не? SWOT – тақырыпқа деген көзқарасты анықтау үшін жүйелі ойлауға негізделеген сараптамалық әдіс.  Бұл сөздің мағынасы жоқ, дегенмен құрамындағы әр әріптің өзіне тән түсінігі бар. Бұндағы: Strengths (күшті жағы) Weaknesses (әлсіз жағы), Opportunities (мүмкіндіктер), Threats (қатерлер). Көтеріп отырған мәселенің күшті (S) және әлсіз (W) жақтары ішкі ортаны қамтиды. Яғни, нысанның өзі сыртқы ортаға қалай әсер ететіндігі сөз болады. Ал мүмкіндіктер (О) мен қатерлер (Т) сыртқы ортаға қалай әсер ететіні талқыланады.
11-сынып оқушыларының айтуы бойынша бұл ең қызықты әрі тиімді әдіс-тәсілдерінің бірі.